08.10.2018 / 15:53
- Yerləşdiyi rayon (şəhər): Bakı şəhəri
- Aid olduğu sektor: Sənaye
- Aid olduğu kateqoriya: İnvestisiya layihəsi
Layihə çərçivəsində Azərbaycan respublikasında qeyri-neft sektorunun sürətli və rəqabətədavamlı inkişafının təmin olunması istiqamətində yerli xammal olan qamış və qarğı bitkilərinin gövdəsindən yeni texnologiya vasitəsilə ölkədə böyük əhəmiyyəti olacaq lövhələrin (fanera) istehsalı üçün fabrikin qurularaq yeni istehsal sahəsinin yaradılması nəzərdə tutulmuşdur. Həmin lövhələr taxtadan hazırlanan faneraların alternativi olacaqdır. Qurulan fabrikdə istehsal olunan lövhələrdən sonrakı mərhələlərdə meyvə-tərəvəz yeşiklərinin, qablaşdırma taralarının, mebel sənayesi istifadə olunacaq faneraların, suvenir qabların, arakəsmə və jalüzlərin, tikinti sektoru üçün faneraların istehsal edilməsi nəzərdə tutulur. Bütün bu məhsullar yerli xammaldan istifadə edilərək istehsal olunan “MADE IN AZERBAIJAN” məhsulu olacaqdır və idxalı əvəz edən yerli istehsal sahəsi formalaşdırılıcaqdır.
