18.12.2018 / 15:16
- Yerləşdiyi rayon (şəhər): Şəmkir rayonu
- Aid olduğu sektor: Kənd təsərrüfatı, meşə təsərrüfatı və balıqçılıq
- Aid olduğu kateqoriya: İnvestisiya layihəsi
Mən əsasən kahı toxumlarının Hollandiyadan alınaraq Azərbaycanda kiçik bir təsərrüfatda yetişdirilməsi ilə professional şəkildə məşğul olmuşam və bu sahədə böyük təcrübəm var. Lakin hal-hazırda Qərb dövlətləri tərəfindən Rusiyaya tətbiq edilən embarqo ilə əlaqədar, bu ölkəyə pomidor və digər tərəvəzlərin ixracı dəfələrlə artmışdır. Azərbaycanda isə bu tərəvəz şitillərini yetişdirmək üçün müasir tələblərə cavab verən şitilxanalar 2-3 təsərrüfatda, özü də Abşeron yarımadasında mövcuddur ki, bu şitilxanalar daimi artan templə inkişaf edən ixracın tələblərini ödəyə bilmir. Məhz bu məqsədlə mən Azərbaycanın qərb bölgəsində (Şəmkir,Tovuz,Samux və d.) 1 ha ərazidə müasir bir şitilxana kompleksinin açılmasını çox perspektivli və gəlirli bir biznes layihə olduğunu düşünərək belə bir ideya üzərində potensial bir investorların diqqətini cəlb etmək istəyirəm. Qeyd etdiyim bölgələrin fermer təsərrüfatları hal-hazırda şitilləri məhz Abşeronda fəaliyyət göstərən şitilxanalardan sifariş etməyə məcbur olurlar və məsafə uzaqlığı baxımından fermerlər sifariş etdikləri şitillərin 50-60 gün ərzində böyümə mərhələsini izləyə bilmirlər. Lakin şitilxana o fermerlərə yaxın bir ərazidə fəaliyyət göstərsə ,o zaman onlar daimi öz şitillərini diqqətdə saxlaya bilər və planlaşdırdıqları günlərdə böyümüş şitilləri dərhal şitilxanadan istixanaya köçürülməsini təmin edə bilərlər.
