11.12.2023 / 16:58
- Yerləşdiyi rayon (şəhər): Bakı şəhəri
- Aid olduğu kateqoriya: İdeyalar
Layihəmin əsas məqsədi süni intellekt yaratmaq, bu süni intellekt vasitəsilə vaxtımıza qənaət etmək, rəsmi sənədlərdə yazılan hərf səhvlərini aradan qaldırmaqdır. Məsələn: Bəzən günlərimizi nəsə yaratmağa və ali qurumlara təhvil verməyə həsr etdiyimiz yazılar hansısa mətbəə xətası ucbatından yenidən günlərimizi itirməsinə səbəb ola bilər. Onlarla səhifə yazarkən səhv etməmək demək olar ki, mümkün deyil və bu səhvlər çox vaxt bizə baha başa gəlir. Məsələn, mən bir qurumda işləyirəm və bu qurumda sənədlər, yazışmalar tam rəsmidir və hamıdan buna əməl etmək tələb olunur. Siz bir sənəd yaratmaq üçün günlər sərf edirsiniz və sonra onu yoxlayırsınız ki, hər hansı bir mətbəə xətası yoxdur, amma onlarla səhifədə səhvsiz yazmaq mümkün deyil. Dəfələrlə oxusanız belə, bir neçə yazı səhvi var və bu, bəzən böyük problemlərə gətirib çıxarır. Bu, təkcə qurumlarda deyil, rəsmi və ya qeyri-rəsmi yazıların etibarlı olduğu hər yerdə baş verir. Universitetlərdə, dövlət qurumlarında, qeyri-dövlət qurumlarında və s.-də ərsəyə gətirməyə çalışdığım süni intellekt və ya sayt bu kimi problemlərin aradan qaldırılmasına yönəlib. Məsələn: Mənim əlimdə 100 səhifəlik sənəd var və bu 100 səhifəlik sənədi oxuyub səhvləri yoxlamaq saatlar və günlər çəkə bilər. Halbuki siz bu sənədi sayta yükləyirsiniz, hər sətir mənim yaratdığım süni intellekt tərəfindən oxunur və harada səhv olduğu barədə məlumatlandırılırsınız. Onu fayl və ya şəkil kimi yükləyə bilərsiniz. Hər sətir oxunduqca xətalar sizə bildiriləcək. Böyük və ya kiçik olmasının fərqi yoxdur. Layihəni burada izah etmək çox çətindir. Bacardığım qədər izah etməyə çalışdım və yazarkən səhvlərə yol verməməyə xüsusi diqqət yetirdim. Mən hər sətri iki dəfə yoxladım, amma yəqin ki, layihə fikrimdə oxuyanda düzgün hesab etdiyim 10 səhv tapacaqsınız. Çünki mənim fikrim hələ də layihədir :)
