29.03.2021 / 12:59
Son onillikdə yaradıcılıq və innovasiyalar uğur qazanmaq üçün əsas bacarıqlardan birinə çevrilmişdir. İnkişaf və idarəetmə problemlərinə uyğun həll yolları tapmaq üçün innovativ yanaşmalar tələb edən həllərə ehtiyac vardır. Unutmayaq ki, yaradıcılıq yeniliklə paralel olaraq inkişaf edir və yaradıcılıq olmadan yenilik olmaz. Yaradıcılıq yeni və bənzərsiz fikirlər yaratmaq qabiliyyəti olduğu halda, yenilik və innovativ yanaşmalar həmin yaradıcılığın həyata keçirilməsində zəruri rol oynayır.
Yaradıcılıq və innovasiyanın drayverləri:
- İnnovasiya biliyə əsaslanır. Buna görə də məlumat bazanızı daim genişləndirməlisiniz.
- Fikrinizi sınayın. Məhsulunuzu marketinqə başlamağa hazır olduqdan sonra müştərilərinizdən bəyənib-bəyənmədiklərini və həqiqətən maraqlandıqlarını soruşun.
- Dəyişiklik üçün bir vizyona sahib olun.
- İnnovasiya mühiti yaradın. Cəlbedici qapalı və ya açıq məkanlar şirkətin yeni təşəbbüslərini idarə etmək üçün fikir və yaradıcılığa kömək edə bilər.
- Təşkilati çevikliyi aktivləşdirin.
- Risk etməyə cəsarət edin.
- Davamlı olun - bu artıq mütləq bir zərurətdir.
- İşçilərinizə lazım olan sərbəstliyi verin. Onlara yeni fikirlər inkişaf etdirmək üçün lazım olan vaxt və azadlıq verin.
İqtisadi İslahatların Təhlili və Kommunikasiya Mərkəzi Britaniya Şurasınin dəstəyi ilə və İngiltərənin Newcastle Universitetinin tərəfdaşlığı ilə birgə icra etdiyi Yaradıcı Qığılcım layihəsi çərçivəsində startup ideyası olan gəncləri Big IDEA müsabiqəsində iştirak üçün qeydiyyatdan keçməyə dəvət edir. Müsabiqədə 4 kateqoriyadan olan startup ideyaları qəbul edilir:
• İqlim dəyişikliyi
• Rəqəmsal Texnologiya
• Sosial təsir
• Yaradıcılıq
Hər bir komanda fikirlərindən asılı olaraq hansı kateqoriyaya daxil olmaq istədiklərinə qərar verməlidir.
Müsabiqədə iştirak etmək üçün https://creativespark-bigidea.uk/ linkində qeydiyyatdan keçmək vacibdir.
Yaradıcılıq və innovasiyalar üzrə əlavə məlumat https://www.youtube.com/watch?v=jaI83Pnv4h4
